Daginn daginn:)

Þá er kominn miðvikudagur og á miðvikudögum er Halla í fríi! Bara æðislegt. Reyndar er dagskráin fyrir daginn í dag orðin þéttskipuð: Fara upp í skóla og fylla út skattapappíra fyrir launin mín (litlu dapurlegu launin sem ég fæ frá skólanum...), versla í matinn, vinna í nokkra tíma og svo er sko TV time í kvöld: American Idol og Cashmere Mafia! Já ég veit, ég sökka...

Annars er ég á fullu að leita mér að sófa. Þau ykkar sem hafa komið í heimsókn vitið að sófinn minn er svo óþægilegur og ljótur að engin orð fá honum lýst. Ég er því búin að liggja yfir netinu til að finna nýjan sófa og skilyrðin eru að hann verður að vera flottur, þægilegur og ódýr svefnsófi þannig að hann geti kannski leyst uppblásnu dýnurnar af hólmi!.. Er það merki um að ég sé að verða nískupúki þegar mér finnst mikið að borga 40 þúsund fyrir 3ja sæta svefnsófa?

Annars er bara fínt að frétta. Skólinn kominn vel af stað og skilaverkefni og fleira á döfinni næstu daga. Kúrsarnir fjórir leggjast bara vel í mig, amk 3 af kennurunum virðast vera mjög góðir (1 þeirra er ekki alveg að meika það!)

Jæja, enga leti lengur, best að koma sér af stað upp í skóla:)
HK

Góðan og blessaðan

í gær sló öll kuldamet hér í Boston, amk. síðan ég kom.. 9 gráður á Fahrenheit eða -13 gráður! Eigum við eitthvað að ræða það frekar? Þessi kuldi var bara góð ástæða til að halda sig innandyra enda var letin alveg í hámarki. Annars er frábær helgi að baki. Á fimmtudaginn hitti ég fólkið í MSF prógramminu á Roggies, alveg brjáluð stemning og fólk að tapa sér í karíókí. Ég ákvað samt að halda virðingu minni og tók ekki þátt heheheh.

Á föstudaginn hitti ég Jing í lunch og góðu spjalli og svo um kvöldið fór ég með Kamönu, Aki, Sanjivni og góðum vini þeirra út að borða á mexikóskan niðrá Newbury. Alveg ótrúlega flottur staður en við vorum öll sammála um að maturinn væri ekkert spes. Eftir það kíktum við á pöbb þar rétt hjá en allir þó komnir snemma heim.

Á laugardaginn var ég með matarboð handa stelpunum. Ítalskur matur á boðstólnum a la Halla með smá hjálp matreiðslubóka:

Forréttur: Bruchetta með prociutto, mozarella, basilíku og tómötum sem voru mareneraðir í olíu og hvítlauk.

Aðalréttur: a) Fylltar paprikur með tómötum, mozarella, parmesan, basilíku, steinselju ofl. (sjá Ítalskir réttir Hagkaupa)
b) Tagliatelle með kjúkling, sítrónu, steinselju og hvítlauk (sjá Everyday Pasta eftir Giada)
c) Salat með gráðosti, valhnetum og balsamic vinagrette

Eftirréttur: vanilluís með heimalöguðu súkkulaði fudge og muldum valhnetum (ekkert svakalega ítalst en bara svo einfalt)

og vá, þó ég segi sjálf frá þá tókst þetta mjög vel upp. Allavega svo vel að þær borðuðu á sig gat og heimtuðu að fá að koma aftur á sunnudeginum í hádeginu í afganga! Ég greinilega misreiknaði mig aðeins því ég eldaði fyrir 10 en ekki 4 hehehe og ég á meira að segja ennþá afganga! Eftir matinn fórum við í bíó, sáum 27 dresses sem var mjög góð, algjör stelpumynd.

Sunnudagurinn var nú bara tekinn í leti með meiru: stelpurnar komu í hádeginu, það var glápt á sjónvarpið, og svo komu Kamana og Sanjivni til mín í gærkvöldi í spjall.

Svo er skipulagning á Spring Break komin á fullt. Ég held að það verði ógó gaman en vil samt ekki segja strax frá því.. kemur allt í ljós síðar.
Já og svo er ég að fara í skíðaferðalag til Maine 8. febrúar! Já þið lásuð rétt, antisportistinn ætlar að renna sér niður brekkur Maine heila helgi (geri nú samt ekki of miklar kröfur til mín, ef ég kemst niður eina brekku verð ég sátt!)

Jæja, ég ætla að drífa mig upp í skóla, við Kamana ætlum að eyða deginum þar í lestur (enginn "skóli" í dag þar sem það er Martin Luther King = frídagur!)

HK