Halló halló!

Hallan heilsar úr sól og blíðu frá Boston. Hversu yndislegt er að vera í sumarfríi? Gvöð ég er bara ekki að ná því. Fá að sofa út þegar maður vill og plana svo daginn yfir morgunmat. Búin að fara nokkrar ferðir í mollin, fór þrisvar í bíó á síðustu 10 dögum og ætla að sjá Black Knight og Mamma Mia um næstu helgi.... Út að djamma með vinunum, búin að fara í 2 afmæli á rúmri viku og einn afmælisdinner um næstu helgi... út að labba í góða veðrinu, rölt um Newbury og Boston Common garðana... búin að prófa nokkra nýja veitingastaði á Boston svæðinu, hver öðrum betri...úff sældarlíf alveg!! En það er um að gera að njóta þess núna því þegar til Íslands er komið tekur við vinna og allt í föstum skorðum:)

Já, og svo eignaðist ég lítinn frænda þann 30. júní! Til hamingju Dóri og Iðunn með litla manninn sem mér skilst að sé bara alveg eins og Dóri nýfæddur:)


Míns er loksins byrjuð að pakka og gengur bara vel.. er mjög stolt af mér þar sem mér tekst að henda fullt af dóti sem ég ætla ekki að taka með heim..... strax búin að pakka ofan í 5 stóra pappakassa og bara búin að fara í gegnum skólabækur og vetrarflíkur:) Ég hugsa að ég dundi mér við þetta næstu tvær vikurnar þegar ég fæ leið á aðgerðarleysinu.. hahahahaha

Annars er ég að plana ferðalög um U S of A og skipti um skoðun jafnoft og ég skipti um sokka... einn daginn er ég á leiðinni til Seattle, þann næsta á leiðinni til Miami. California heillar ekkert smá, svo langar mig til Connecticut að heimsækja vinkonu mína hana Mömtu og svo langar mig ekkert smá til Cape Cod.. hvítar strendur og sumarhús... gvöð hvað þetta er erfitt líf!!

Jæja, ætla að handa áfram að pakka... reyna að fylla amk. einn kassa í viðbót í dag:)

Yfir og út
HK