08 08 08 hafði aðra merkingu hjá mér í gær. 8 þrep í hverjum tröppugangi. 4 hæðir með tvo tröppuganga = 8 tröppugangar upp til Höllu á 42 Strathmore Road. 8 ferðir niður með kassa fyrir kl. 8 um morguninn. Jább.. ég átti örugglega einn lengsta og erfiðasta dag þessa árs míns í Boston í gær. Í gær var ég nefnilega að flytja út úr íbúðinni minni. með 25 kassa. flestir níðþungir þar sem ég flutti heim allar skólabækur og útprentaðar glósur (já ég veit.. rugl). grill. golfsett. sófasett. sjónvarp. bose græjur. 5 ferðatöskur af fötum (já ég veit.. rugl). eins gott að pabbi verði tilbúinn að lána mér bílskúrinn heima þangað til ég verð rík og get keypt mér íbúð:)

allavega.. þá þurfti ég að vera komin með allt klabbið niður á höfn í Everett fyrir kl. 11:30 í gærmorgunn. Flutningakallarnir áttu að koma kl. 9. Kl. 10:15 beið ég enn eftir þeim og thank god að ég ákvað að vera dáldið sniðug og flýta fyrir þeim og fara niður með hluta af farangrinum sjálf. kl. 11:30 var gámnum lokað... og allt mitt dót komst með! þvílíkt stress!!! vona bara að þetta komist heilu á höldnu til landsins... Þá tók við að pakka og flytja það dót sem ég þarf á að halda þangað til ég kem heim.. Svo var ég að hjálpa Sanji að flytja í nýju íbúðina sína.. á miðnætti var ég alveg búin á því. Ég fæ að búa hjá vinkonum mínum sem búa hérna rétt hjá þangað til í næstu viku þegar ég fer til Miami og svo aftur í millitíðinni þangað til ég kem heim. Núna er ég bara að ganga frá.. þrífa og þvo nokkrar þvottavélar. Þannig að þetta verður síðasta bloggið úr íbúðinni minni í Boston.

Jæja, ætla að reyna að klára að þrífa.. sofnaði næstum því ofan í klósettskálinni áðan... er ekki að nenna þessu en Mamma Mia á Ipoddnum er alveg að bjarga líftórunni (já ég veit, ég er algjör lumma!).

Adios
HK