Jæja, þessi vika hefur liðið alveg hræðilega hratt.. ég er búin að eyða mestum tíma uppi í skóla að læra enda mörg verkefni og case sem eru á deadline í næstu viku... svaka stemning:)
Annars er ekki margt markvert í fréttum... jú reyndar: ég er búin að kaupa svefnsófann og fæ hann fljótlega:) Svo er ég að fara út með stelpunum annað kvöld, það verður örugglega gaman.

Annars var í fyrradag verið að opna mexíkóskan veitingastað hérna "úti á horni" hjá mér sem er nú kannski ekki frásögu færandi nema það að þeir buðu upp á ókeypis burritos á opnunardaginn. Þegar ég kom heim úr skólanum kl. hálf 10 um kvöldið voru ca. 300 manns í biðröð! Til að fá ókeypis burrito sem kostar örugglega ekki meira en 4-5 dollara!!! Jeez.. það er ekki í lagi með fólk. Maðurinn í apótekinu sem er beint á móti sagði mér að það hefði verið svona biðröð allan daginn.... Ég hefði tekið mynd af þessu ef ég hefði verið með myndavél á mér.. þeir eru létt ruglaðir þessir Ameríkanar...

Annars rakst ég á nýlega grein í Financial Times þar sem var verið að taka út bestu viðskiptaprógrömmin á heimsvísu... Svona er rankið yfir fjármálatengda námið:

Best in finance
1 New York University: Stern
2 University of Chicago GSB
3 University of Rochester: Simon
4 University of Pennsylvania: Wharton
5 Columbia Business School
6 University of Toronto: Rotman
7 London Business School
8 Boston College: Carroll
9 MIT: Sloan
10 Tulane University: Freeman

Ekki leiðinlegt! Ég veit ekki alveg á hverju þeir byggja þetta mat sitt (þ.e. gæði náms, kennurum etc) en þetta er "Alumni Recommendations" sem segir að fyrrum nemendur þessara skóla hafi gefið sitt mat á þessu...

Go BC:)

Hér er annars greinin..
http://www.ft.com/cms/s/2/3f930b0c-cb17-11dc-97ff-000077b07658.html

Yfir og út..
HK

Daginn daginn..
mín bara vöknuð "snemma" og þetta fína veður í Boston blasti við mér, glampandi sól en reyndar smá kalt... en það er allt í lagi, I can do kalt :)

Annars var helgin alveg glimrandi. Föstudagurinn fór í lærdóm og fleira og um kvöldið fór ég með stelpunum í bíó að sjá No Country for Old Men. Rosalega góð mynd en dáldið ógeðsleg á köflum. Á laugardaginn vaknaði ég snemma og fór í svefnsófaleiðangur með Jing. Fékk bílinn hennar Kamönu lánaðan og við Jing fórum í 4 húsgagnaverslanir og svo í IKEA. Labbaði út úr IKEA með fullt af húsgögnum og dóti.. en engann sófa. Fann reyndar sófa í einni húsgagnaversluninni en á bara eftir að mæla hvort hann komist inn í íbúðina, þ.e. í gegnum hurðaop, upp stigann etc. Svo fórum við í Target (hef ég einhvern tímann talað um að ég elski Target? Ef ekki þá lýsi ég því yfir hér með!!) Um kvöldið fór ég svo með stelpunum á Tíbeteskan veitingastað, þjónustan var frábær og maturinn alveg fínn. Á eftir fórum við svo á kaffihús.. evrópskt, to be exact. Þegar heim var komið fór ég að setja saman húsgögn og ganga frá öllu IKEA og Target dótinu mínu. Kl. 3:30 um nóttina var ég orðin mjög þreytt og ákvað bara að fara að sofa og klára þetta á sunnudeginum.. sem ég og gerði og eyddi svo restinni af deginum uppi í skóla að læra. Alveg brilliant helgi:) Lot´s of shopping... Nú er íbúðin mín orðin rosa fín, þarf að taka myndir og henda inn fljótlega:)

Jæja, ég ætla að fara að drífa mig í skólann, hópaverkefni, lærdómur og svo skóli í kvöld.. nóg að gera!!!

HK