Ein hérna alveg að deyja úr blogg-leti en held að það sé nú tími til kominn að setja inn einhverjar fréttir af mér. Ég sem sagt búin að fara til Vegas og svo New York í síðustu viku. Alveg brilliant gaman. Sáum Hairspray á Broadway. Löbbuðum um Central Park. Versluðum á Canal Street og míns gerði alveg svaka góð kaup á Coach töskum. Röltum um Soho og Little Italy. Shoppuðum pínu á Herald Square. Borðuðum rosa góðan mat. Alveg brilljant ferð í alla staði - nema mér tókst að næla mér í eitthvað leiðindar kvef á leiðinni heim. Alveg týpískt. Rútan var full af hóstandi og hnerrandi fólki og ég sjálf var orðin hnerrandi og hóstandi á laugardeginum - og er enn. Páskarnir liðu alveg ótrúlega hratt þar sem ég var bara lærandi - en fékk þó þetta risa Nóa páskaegg að heiman sem Sibbus og Stebbi komu með. Takk æðislega:)
Svo var ég með partý fyrir krakkana úr skólanum á laugardeginum fyrir páska. Alveg svaka stuð og veitingarnar mínar voru etnar upp til agna! Annars er lífið bara búið að ganga sinn vanagang. Nóg að gera í skólanum og svo á föstudaginn erum við að fara í company visit til John Hancock sem er fjármálafyrirtæki hér í Boston sem yours truly skipulagði. Alltof góð þátttaka þar sem um 30 manns skráðu sig en aðeins 10 komast að. Er samt að bíða eftir svari um að fleiri komist með..
Og vegna fjölda áskoranna (hahaha) þá set ég inn nokkrar myndir af íbúðinni post breytingar!
Nýi sófinn minn sem er alveg æðislegur - sérstaklega þegar maður er lazarus eins og ég í dag:(
Nýju BOSE græjurnar mínar sem ég fékk í fyrirfram ammlisgjöf! algjört æði!!
Reyna að gera smá huggulegt hérna - þetta er sko rauði sófinn minn eftir yfirhalningu!
