Skólinn byrjaður aftur og á tvöföldum hraða! Jú ég ákvað að flýta náminu mínu og tek því tvöfalt nám núna en verð þar af leiðandi búin í skólanum 25. júní! Ég er í hópavinnu nánast 24/7 enda þarf ég að skila 4 til 5 verkefnum í hverri viku! Fyrir utan það eru próf og önnur verkefni þannig að skólinn tekur alveg ágætan tíma þessa dagana:)
Eftir námið ætlar mín að ferðast eitthvað um Ameríku, amk. er á döfinni að fara til Connecticut í eina helgi og svo í ferðalag til Seattle og Vancouver í Kanada... hlakka mikið til:)
Svo hefur mig alltaf langað að keyra alla vesturströndina, upp frá San Diego og kannski alla leið til Seattle.. en það gæti orðið of mikið ferðalag og svo þarf ég að skoða hvað buddan leyfir!
Annars er ég bara búin að hafa það ansi gott undanfarið. Var með íslenska vini í heimsókn í síðustu viku og margt brallað með þeim sem að sjálfsögðu fól í sér shopping í Target og Galleria:) Svo erum við stelpurnar búnar að reyna að nýta góða veðrið eins og hægt er. Spilum tennis á morgnana, tókum pikk nikk um daginn, rölt um miðbæinn og Cambridge.. sem sagt: alveg sældarlíf hérna í Boston!
Jæja, lærdómurinn bíður... en nokkrar myndir af útskriftardeginum:)
